विजय जुलुसमा हिड्नु पर्ने नवनिर्वाचित प्रमुखको अस्पतालमा बास

ज्वालामुखी गाउँपालिका प्रमुख विनोद तिमिल्सिनासहित कार्यकर्तामाथि आक्रमण भएको छ । विजय जुलुसबाट फर्किदै गरेका गाउँपालिका प्रमुख विनोद तिमिल्सिनासहित जनप्रतिनिधिहरु  खुसीयालीमा विजयजुलुस गरेर घर फर्कने क्रममा आक्रमण हुँदा उनीसहित ७ जना घाइते भएका छन् । उनीहरुउलाई करिब ५० जना एमाले कार्यकर्ताहरुले घेरेर आक्रमण गरेका कांग्रेस कार्यकर्ताहरुले बताएका छन् ।

प्रमुख तिमिल्सिनाको टाउकोमा पाँच टाँका लगाइएको छ । प्रमुखसँगै रहेकी श्रीमती पनि आक्रमणमा घाइते भएको नेपाली कांग्रेस धादिङले जनाएको छ । घाइते हुनेमा दिवाकर शाहलगायत ७ जना कार्यकर्ता छन् । घटना शनिबार साँझ भएको हो । आक्रमणकारीले वियरका बोतललगायत घरेलु हतियार प्रहार गरेको घाइतेहरुले जनाएका छन् । ज्वालामुखी ३ मैदीमा भएको आक्रमणमा घाइते भएका नरेन्द्र भट्टको अवस्था चिन्ताजनक छ ।

थप उपचारका लागि काठमाडौंस्थित ट्रमा सेन्टरमा लगिएको छ । कांग्रेस महासमिति सदस्य यमनाथ दनैको भने जिल्ला अस्पतालमा उपचार भइरहेको छ ।  थप उपचारका लागि काठमाडौंस्थित ट्रमा सेन्टरमा लगिएको छ । कांग्रेस महासमिति सदस्य यमनाथ दनैको भने जिल्ला अस्पतालमा उपचार भइरहेको छ । एमालेका स्थानीय नेताहरुले भने वियरको बोतलले हानेर कांग्रेसकै कार्यकर्ताले झगडा सुरु गरी आफ्ना दुईजना कार्यकर्ता घाइते बनाएकाेभएको जनाएका छन् । एमालेका उम्मेदवार रामप्रसाद अधिकारी २६ मत अन्तरले पराजित भएका थिए ।